«Սպիտակ թիկունք» շարքից. «Փակում եմ աչքերս, վիրավոր ընկերներս իմ առջև են․․․ Օգնության կանչող ձայներն ու…». drtehmine.com

«Հիվանդանոց է տեղափոխվել բազմաբեկորային վնասվածքներով։ Բացի ձեռքի նյարդի վնասվածքից կային ստորին վերջույթների բազմաբեկորային վնասվածքներ, թիակի շրջանի խորը վնասվածք, որը գրեթե կրծքավանդակ էր թափանցել, առկա էր բեկոր` թոքերի մեջ օդի անցումով, ոտքի խոշոր զարկերակն էր վնասվել։ Նա կրկնակի վիրահատության է ենթարկվել»-, հերթական տխուր ու դժվար դեպքի մասին է խոսում միկրովիրաբույժ Թեհմինե Ասատրյանը:

Պացիենտը ժամկետային զինծառայող Թաթուլ Ազատյանն է՝ ծննդով իջևանցի։ Մեկուկես տարի է, ինչ զինվոր է:

Վիրավորվել է ԱԹՍ հարվածից։ «Այդ պահին ոչինչ չէի զգում, ոչինչ չէի հասկանում։ Օգնության կանչող ձայներ էի լսում՝ տղաները չկան…»,- վիրավորման պահն այսպես է հիշում Թաթուլը։

Օգնության հասան ընկերներս։ Նրանք գրկեցին ինձ և ոտքով երկար ճանապարհ կտրեցին՝ «Ուազ»-ին հասնելու համար, որն էլ ինձ պետք է մոտակա հոսպիտալ տեղափոխեր»։

… Բժիշկներից շնորհակալ է։ Յուրաքանչյուրի մասին առանձնակի ջերմությամբ է խոսում։

«Մոռանալ այս ամենն անհնարին է։ Փակում եմ աչքերս, վիրավոր ընկերներս իմ առջև են ․․․ Օգնության կանչող ձայներն ու…», հուզվում է, չի կարողանում շարունակել խոսքը։

Հիվանդանոցից դուրս է գրվել, սակայն շարունակում է գտնվել մեր հսկողության տակ:

Այժմ Թաթուլը վերականգնողական բուժում է ստանում Զինվորի տանը. վնասված է աջ ձեռքի նյարդը։

Հարցեր, պատասխաններ, մեկնաբանություններ