ԼՂՀ ԱՆ. Բացառիկ վիրահատություն Արցախում. Առաջին անգամ «Արևիկ» մանկական բուժմիավորումում լապարասկոպիկ եղանակով իրականացվել է խոլեցիստէկտոմիա

Արցախի Հանրապետության առողջապահության նախարարության «Արևիկ» մանկական բուժմիավորումում` մանկական վիրաբույժ Կարեն Մելքումյանը, Հանրապետական բժշկական կենտրոնի վիրաբույժ Կարեն Բազիյանի հետ միասին առաջին անգամ լապարասկոպիկ եղանակով իրականացրել են խոլեցիստէկտոմիա (լեղապարկի հեռացում):

Մասնագետները փաստում են, որ վիրահատական այս մեթոդը հիմք կդնի Արցախում լապարասկոպիկ վիրահատությունների իրականացմանը, ինչը նոր հեռանկարներ կբացի մանկական վիրաբուժության հետագա առաջընթացի համար: Ժամանակակից վիրաբուժության մեջ առկա են փակ եղանակով վիրահատությունների իրականացման տենդենցներ: Վիրահատության նման եղանակը գրեթե աննշան վիրահատական կտրվածքների հետքեր է թողնում,բացի այդ, հնարավորություն է տալիս արագ վերականգնվել, ինչի արդյունքում 1-2 օրից հիվանդը դուրս է գրվում հիվանդանոցից:

Հարցեր, պատասխաններ, մեկնաբանություններ