ԱՄՆ-ում ստեղծում են բժշկական կարեր, որոնք հիվանդի մասին տվյալները փոխանցում են համակարգչին. 1in.am

Ամերիկացի գիտնականները մշակել են վիրաբուժական կարերի նյութերի նախատիպ, որոնք ո՛չ միայն օգնում են վերքի բուժմանը, այլև կարող են հիվանդի վիճակի մասին տվյալներ փոխանցել: Այս մասին տեղեկացվում է Թաֆթսի համալսարանի ինժեներական դպրոցի հրապարակած փաստաթղթերում՝ գրում է tass.ru-ն: Նյութի թելիկները բառացիորեն ներհյուսված են սենսորներով և էլեկտրոդներով, որոնք թույլ են տալիս «քիմիական և ֆիզիկական հսկում» իրականացնել:

Դրանք կարող են հետևել այնպիսի ցուցանիշների, ինչպիսիք են արյան ճնշումը, մարմնի ջերմաստիճանը, շաքարի մակարդակը և նույնիսկ սթրեսը: Այդ տվյալները անլար կապի միջոցով կարող են փոխանցվել ցանկացած ընդունող սարքի՝ սմարթֆոն, համակարգիչ և այլն: Տեսականորեն դա պետք է էականորեն թեթևացնի բժիշկների աշխատանքը:

Հարցեր, պատասխաններ, մեկնաբանություններ