Շվեյցարիայում հաջողությամբ բաժանել են 8 օրական սիամական երկվորյակ աղջիկներին. 1in.am

Շվեյցարական Բեռն քաղաքի հիվանդանոցում հաջողությամբ կատարվել է սիամական երկվորյակ աղջիկների բաժանման վիրահատությունը, հայտնում է BBC-ն: Լրատվամիջոցների հաղորդմամբ` վիրահատությունը կատարվել է դեռևս դեկտեմբերին, սակայն միայն հիմա է դրա մասին պաշտոնապես հայտարարվել:

Վիրահատությունը կատարվել է աղջիկների ծնվելուց 8 օր անց, ովքեր միացած էին լյարդի և կրծքի շրջանում: Դա նմանատիպ առաջին հաջողված վիրահատությունն է: Այն տևել է 5 ժամ, որին մասնակցել է 13 բժիշկ: Բժիշկների կարծիքով` դա երեխաների կյանքը պահպանելու միակ շանսն էր:

Ընդ որում, նմանատիպ վիրահատությունները 100-ից հաջողության միայն մեկ շանս ունեն:

Հարցեր, պատասխաններ, մեկնաբանություններ