Բորբոքված կույրաղիքը կարելի է բուժել նաեւ առանց վիրահատության. med.news.am

Ինչպես նշեցին Turku University Hospital-ի գիտնականների վերջին հետազոտությունները, որոշ դեպքերում բորբոքված կույրաղիքը հեշտությամբ կարելի է բուժել հակաբիոտիկների միջոցով՝ առանց վիրահատության անհրաժեշտության:

Ինչպես բացատրեց Քլիվլենդի կլինիկայի վիրաբույժ Մեթյու Կրոխը, դա հնարավոր է, օրինակ, այն դեպքերում, երբ կույրաղիքն այտուցվել է, սակայն ամբողջականությունը չի խախտվել: Այդ պարագայում կույրաղիքը չբուժելու դեպքում ժամանակի ընթացքում խնդիրն է՛լ ավելի կխորանա, այդ պատճառով շատ վիրաբույժներ շտապում են հեռացնել կույրաղիքը բորբոքումից հետո 24 ժամվա ընթացքում:

Վերոնշյալ հետազոտության ընթացքում Turku University Hospital-ի գիտնականները կույրաղիքի թեթեւ բորբոքմամբ 530 կամավորների բաժանել են երկու խմբի: Առաջին խւոմբը բուժվում էր հակաբիոտիկներով, իսկ երկրորդ խումբը՝ վիրահատության միջոցով: Այնուհետեւ գիտնականները մեկ տարվա ընթացքում հետեւել են այս մարդկանց առողջությանը: Պարզվել է, որ հակաբիոտիկներ ընդունող մարդկանց 72 տոկոսն այնուհետեւ կույրաղիքի հեռացման կարիք չեն ունեցել:

Այս հետազոտությունը, Մեթյու Կրոխի խոսքերով, ցույց է տալիս, որ վիրահատությունը ոչ միշտ է անհրաժեշտ:

Ստորև կույրաղիքի բորբոքման ախտանշաններն են.

•   ցավեր որովայնի շրջանում, որոնք սովորաբար սկսում են պորտի շրջանում եւ տարածվում դեպի որովայնի նեքեւի աջ հատված,
•   սրտխառնոց ու փսխում,
•   ախորժակի կորուստ,
•   ջերմություն,
•   փորլուծություն (առաջին մի քանի օրերից հետո),
•   ցավեր միզելու ժամանակ:

Հարցեր, պատասխաններ, մեկնաբանություններ