Կլինիկական դեպք` «Արմենիա» ՀԲԿ անոթային վիրաբուժության կլինիկայում. armeniamedicalcenter.am

Աորտազստային սեգմենտի և պերիֆերիկ զարկերակների աթերոսկլերոտիկ ախտահարումները հիվանդների անոթային կլինիկա դիմելու ամենահաճախ պատճառներից են: Անոթների աթերոսկլերոտիկ ախտահարման ժամանակ հաճախ իրականացվում են շունտավորող վիրահատություններ (աորտա-բիֆեմորալ, ազդր-ծնկափոսային շունտավորում)՝ հատկապես զստային զարկերակների երկկողմանի օկլյուզիոն-ստենոտիկ ախտահարումների և ազդրային զարկերակների >15sm ախտահարումների ժամանակ (TASC II type C):

Ստորև ներկայացվում է կլինիկական դեպք. զույգ զստային, աջ մակերեսային ազդրային զարկերակի ախտահարմամբ հիվանդի մոտ` ներանոթային ճանապարհով բուժման արդյունավետ ելք:

Հիվանդը՝ Հ.Ն., 50 տարեկան, արական սեռ, դիմել է «Արմենիա» ՀԲԿ անոթային վիրաբուժության կլինիկա: Կլինիկա ընդունվելիս գանգատվել է զույգ ստորին վերջույթի ցավերից` մոտավորապես 20 մ քայլելիս (առավելապես հետույքի ձախ հատվածում, աջ ազդրի, սրունքի մկաններում), թմրածությունից, սառնությունից, ինչպես նաև` իմպոտենցիայից: Ըստ անամնեզը տվյալների` գանգատները շարունակվում են ավելի քան 5 ամիս:

Հաշվի առնելով հիվանդի ծանր կոմորբիդ ֆոնը (անամնեզում սրտամկանի ինֆարկտ. 2010թ., 2011թ., ԱԿՇ, ՄԿՇ (2011թ.), աջակողմյան ֆլեբէկտոմիա` ՄԵԵ համակարգով` ԹՖ կապակցությամբ (2018թ.), զույգ ՆՔԶ օկլյուզիա. ԳԱՇՍԽ (2/) ձախակողմյան հեմիպարեզով, (1) աջակողմյան հեմիպարեզով, ձախակողմյան նեֆրէկտոմիա) որոշում է կայացվել հիվանդությունը բուժել ներանոթային ճանապարհով:
Վիրահատությունն իրականացրել են անոթային վիրաբուժության կլինիկայի ղեկավար Վ. Աղաբեկյանը, Վ. Հովակիմյանը, Ա. Գասպարյանը և Կ. Հարությունյանը: Կատարված ԴՍ, HՏ-անգիոգրաֆիայով հայտնաբերվել է աորտայի տերմինալ հատվածի նեղացում` 30-40%, ձախ ԸԶԶ (flash), ՀՈԶ, աջ ՄԱԶ մ-ս/3 օկլյուզիա, աջ ԸԶԶ ակունքային նեղացում 60-70%, զույգ ս/վ–ի ԽԶԱ /Rutherford III/:

Կատարվել է զույգ ԸԱԶ ռետրոգրադ պունկցիա, տեղադրվել է 7F ֆեմորալ շիթեր, ձախակողմյան ռետրոգրադ մուտքով ռեկանալիզացնել ԸԶԶ-ն չի հաջողվել (սուբինտիմալ ընթացք), տեխնիկական մեծ դժվարությամբ (կաթետեր Sim 1, IM 1) կատարվել է ձախ ԸԶԶ-ի ակունքային մասի կաթետերիզացիա, ռեկանալիզացիա (telescopic technique) Command ES 300sm, Codman microcatheter-ի, Glidewire 0,35 260sm-ի միջոցով, այնուհետև ուղղորդիչի դուրս բերում` ձախից անցկացված JR6F guiding կաթետերով (externalization),

այնուհետև կատարվել է ձախ ԸԶԶ հաջորդական ԲԱՊ Mozec 6x60, 8x60 բալոններով, հետագա զույգ ԸԶԶ միաժամանակյա Myra 9x47 և 9x57 ստենտերով (balloon-expendeble stent – kissing),

աջ ՄԱԶ ռեկանալիզացիա (Glidewire 0,35 260sm, JR 5F), ԲԱՊ Mozec 5x120, ստենտավորում Promesa 6x100, 5x120 ինքնաբացվող ստենտներով (self-expendeble stent),

պունկցիոն անցքերի փակում Femoseal 7F: Հետվիրահատական հաջորդ օրը հիվանդը դուրս է գրվել ստացիոնարից` ավելի քան 1000 մ անցավ քայլքի տարածքով:

P.S. Միջամտության դժվարությունը կայանում էր նաև բազկային մուտքի օգտագործման անհնարիության մեջ (անամնեզում ՄԿՇ և ՍԻ-ի բարձր ռիսկ. զույգ ՆՔԶ օկլյուզիա և գլխուղեղի արյունամատակարարման իրականացում` ողնաշարային զարկերակներով, և ինսուլտի բարձր ռիսկ): Ներկայացված կլինիկական դեպքն ակնառու ցուցադրում է նորարար ներանոթային վիրաբուժական մեթոդների արդյունավետ կիրառումը` Լերիշի համախտանիշի ժամանակ, որը նվազեցնում է ներ- և հետվիրահատական, անէսթեզիոլոգիական բարդությունները, պացիենտի ստացիոնարում գտնվելու ժամկետը: Հիվանդի համաձայնությունը նշված կլինիկական դեպքի հրապարակման և օգտագործման համար տրված է:

Անոթային բաժնի վիրաբույժներ.
Աղաբեկյան Վ. ` բաժնի վարիչ, Հովակիմյան Վ. ,Գասպարյան Ա., Հարությունյան Կ.

Հարցեր, պատասխաններ, մեկնաբանություններ