Նորագույն տեխնոլոգիան թույլ է տալիս կենդանի պահել սիրտը` մարմնից դուրս (տեսագրություն). tert.am

The independent-ը ներկայացրել է բժշկագիտության ասպարեզի նորագույն տեխնոլոգիական սարքերից մեկը, որի շնորհիվ կենդանի սիրտը կարող է բաբախել նաև մարմնից դուրս: «Սիրտը` տուփում» (Heart in a Box) կոչվող տեխնոլոգիան, որը փոխպատվաստման համար նախատեսված դոնորական օրգանը կենդանի է պահում, օգնում է  կյանքեր փրկել: Այս սարքը վերակենդանացնում է նոր մահացած մարդու սիրտը:

Նախկինում փոխպատվաստման էր ենթակա միայն ուղեղի վիրահատության ժամանակ մահացած հիվանդի սիրտը, որը սառցե տուփում հնարավոր էր պահել առավելագույնը 4 ժամ:

Նոր տեխնոլոգիան թույլ է տալիս պահպանել 8 ժամ: Դրա շնորհիվ թթվածնով հարուստ տաք արյունն անցնում է սրտամկանների միջով: Այս սարքավորումը հասանելի է Եվրոպայում:

Այն արդեն օգնել է փրկել մարդկանց կյանքեր և կարող է 30 տոկոսով ավելացնել սրտի փոխպատվաստումների թիվը:

Հարցեր, պատասխաններ, մեկնաբանություններ