Բժիշկները 3D-տպիչով մարդկային սրտի յուրահատուկ մոդել են «տպել». 1in.am

Հետազոտողները եռաչափ տպագրության միջոցով արհեստական սիրտ են ստեղծել՝ դրա համար աշխարհում առաջին անգամ օգտագործելով համակարգչային տոմոգրաֆիայի և տրանսէզոֆագեալ էխոսրտագրության տեխնոլոգիաները: Գիտնականների աշխատանքին մանրամասնորեն կարելի է ծանոթանալ Spectrum Health ամսագրում:

Գիտնականները համատեղել են համակարգչային տոմոգրաֆիայի և տրանսէզոֆագեալ էխոսրտագրության միջոցով ստացված պատկերներն արհեստական սրտի եռաչափ «գծագրի» ստեղծման համար: Ներքին օրգանը «տպվել է» 3D-տպիչով: Սիրտը ստեղծողները վստահեցնում են, որ մոդելն այնքան ճշգրիտ է ստացվել, որ կարող է օգտագործվել մարզումային վիրաբուժական վիրահատությունների համար: Բացի դրանից՝ ապագայում գիտնականները կկարողանան այդպիսի մոդելներ ստեղծել յուրաքանչյուր կոնկրետ հիվանդի համար և դրանց օգնությամբ ախտորոշում կատարել:

Հարցեր, պատասխաններ, մեկնաբանություններ