Սրտի և անոթների առողջությունը կախված չէ միայն ֆիզիկական ակտիվությունից. 1in.am

Աթենքի Հարոկոպիո համալսարանը 10 տարվա ընթացքում ուսումնասիրել է 2500 հասուն տղամարդկանց և կանանց սնունդն ու կենսակերպը և եկել այն եզրակացության, որ սրտի և անոթների առողջությունը կախված է ոչ այնքան ֆիզիկական ակտիվությունից կամ ժառանգականությունից, որքան ճիշտ սնվելուց:

Մեծ մասամբ թարմ բանջարեղենից, մրգերից, ձավարեղենից, ընկույզից, լոբազգիներից, ձկից ու բուսայուղից բաղկացած սննդակարգը՝ պարբերաբար բնական կարմիր գինու հավելմամբ, 47 տոկոսով կրճատում է սրտանոթային հիվանդությունների առաջացման վտանգը, գրում է «Կեդեմը»։

Պրոֆեսոր Դեմոսթենես Պանագիոտակոսը, ամփոփելով իր աշխատանքի արդյունքները, հայտարարել է, որ միջերկրածովյան նման սննդակարգն օգտակար է ցանկացած մարդու համար՝ առողջական ցանկացած վիճակում։ Նման սննդակարգը հիմնականում օգտակար է նրանց համար, ովքեր չեն կարող իրենց թույլ տալ պարբերական մարզանքներ՝ խիստ զբաղվածության կամ քրոնիկ հիվանդությունների պատճառով։ Նման սննդակարգին հետևելը թույլ է տալիս վերահսկել քաշը, կանխարգելում է շաքարախտը, ներքին բորբոքումները, սրտի ու անոթների հիվանդությունները, իջեցնում է բարձր ճնշումը և արյան մեջ խոլեսթերինի մակարդակը։

Հարցեր, պատասխաններ, մեկնաբանություններ