Գիտնականներն արյան զտիչ սարք են ստեղծել, որը կօգնի նվազեցնել անոթների խցանման վտանգը. tert.am

Բժիշկները սրտի փականների վիրահատության ժամանակ անոթների խցանման հետևանքով հիվանդների մահանալու վտանգը նվազեցնելու եղանակ են գտել:

Ինչպես գրում է Газета.Ru-ն` գիտական աշխատանքի զեկույցը ներկայացվել է  Սան Դիեգոյում (Կալիֆորնիա, ԱՄՆ) կայացած Тhe American College of Cardiology's 64th Annual Scientific Session կոնֆերանսի ժամանակ:

Աորտալ փականի տրանսկաթետերային իմպլանտացիան, այսօրվա դրությամբ, համարվում է սրտի աորտալ փականի արատի բուժման ամենատարածված բուժման միջոցը: Այնումենայնիվ, նման վիրահատության ժամանակ բավականին բարձր (7 տոկոս) է սրտի կաթվածի կամ գլխուղեղի  իշեմիայի վտանգը՝ կապված թրոմբի մասնիկներով կամ օդի պղպջակներով անոթների խցանմամբ:

Գիտնականները հատուկ զտիչ են ստեղծել, որը ստացել է TriGuard անվանումը: Այն վիրահատության ժամանակ տեղադրվում է աորտալ կամարի վրա, և վերահսկում է գլխուղեղի 3 հիմնական արյունատար անոթների աշխատանքը` կանխելով տարբեր տեսակի անոթախցանների ներթափանցումn ուղեղի մեջ: Բժիշկները վստահեցնում են, որ TriGuard սարքը կարող է  հիվանդների կյանքի համար վտանգավոր իրավիճակների թիվը նվազեցնել ավելի քան 60 տոկոսով:

Հարցեր, պատասխաններ, մեկնաբանություններ