Սրտաբան. Ազգաբնակչության շրջանում նկատվում է բժշկին դիմելու մշակույթի բարձրացում

Թեև գարնան ամիսներին սրտաբանական, քրոնիկ հիվանդությունների աճ է լինում, բայց արդեն մայիսին ավելի կարգավորվում է իրավիճակը: Այս ամսին ավելի շատ դիմում են երիտասարդները, բայց ավելի շատ քննական շրջանի հետ է կապված, այսինքն` հուզմունք, դեպրեսիա, ալ ոչ թե սրտբանական հիվանդությունների պատճառով:

Այս մասին ասուլիսում ասաց Թիվ 3 կլինիկական հիվանդանոցի սրտաբանական բաժանմունքի ղեկավար Միքայել Ադամյանը:

Միաժամանակ նա նշեց, որ նկատելի է սրտամկանային հիվանդությունների երիտասարդացում, որի գլխավոր պատճառը ապրելակերպն է: Նա խորհուրդ տվեց վարել առողջ ապերալակերպ` սնվել ճիշտ, զբաղվել մարմնամարզությամբ: Ըստ բժշկի, ազգաբնակչության շրջանում նկատվել է նաև բժշկին դիմելու մշակույթի բարձրացում:

«Սեքսուալ առողջապահության» ՀԿ-ի տնօրեն, բժիշկ-սեքսոպաթոլոգ Ռուզաննա Ազատյանն էլ ասաց, որ իրենց ավելի շատ (քիչ տարբերությամբ) դիմում են կանայք: Ըստ նրա, գարնանը հիմնականում դիմում են դեպրեսիաներով, նևռոզով, սեռական խանգարումներով: «Դեպրեսիաների հետևանքով առաջանում են սեռական խանգարումներ` սեռական ցանկության նվազում, տղամարդկանց մոտ նաև էրեկցիա»,- ասաց նա` խորհուրդ տալով մարդկանց գնահատել իրենց կյանքը ու անհրաժեշտության դեպքում անմիջապես դիմել բժշկի:

Հարցեր, պատասխաններ, մեկնաբանություններ