Նեանդերթալցիները մարդուն «վնասակար» գեներ են փոխանցել. 1in.am

Սթենֆորդի համալսարանի գիտնականները պարզել են, որ ժամանակակից մարդը նեանդերթալցիներից «վնասակար» գեներ է ժառանգել, որոնք ազդել են վերարտադրողական գործառույթի վրա: Փոփոխությունները նկատելի են եղել հոմինիդների մակարդակով: Ոչ աֆրիկացի մարդիկ գեների մի մասը ստացել են նեանդերթալցիների հետ սեռական կապի արդյունքում, հայտնում է gogetnews.info-ն:

Ժամանակի ընթացքում գենետիկ բաղադրիչի հիմնական մասը կորել է: Ամերիկացի գիտնականների նոր ուսումնասիրության արդյունքները թույլ են տալիս պնդել, որ «վնասակար» գենը շարունակում է նվազեցնել ժամանակակից աշխարհում բնակչության որոշ խմբերի հարմարվածությունը:

Մոտավորապես 100 000 տարի առաջ մարդկանց խմբեր լքել են Աֆրիկան և տեղափոխվել նեանդերթալցիների հայրենիք: Առանձնյակները խաչասերվել են՝ տարբեր գենոմներ խառնելով: Ժամանակակից մարդու գեների մեծ մասը պատկանում է նեանդերթալցիներին, բայց կան այլ գենոմներ ևս, որոնք դրանք համալրում են:

Գիտնականները նոր հետազոտության տվյալները կապել են բնական ընտրության հետ: Նեանդերթալցիների շրջանում այդ գործոնն այնքան տարածված չի եղել, որքան հին աշխարհի այլ ներկայացուցիչների շրջանում: Հետևաբար, նեանդերթալցիների թույլ մուտացիաները պահպանվում են, ոչ թե ժամանակի ընթացքում վերանում:

Գիտնականների աշխատանքների արդյունքները ցույց են տալիս, որ նեանդերթալցիներն ունեցել են շատ մուտացիաներ գենոմներում, բայց դրանք «վնասակար» հետևանքներ են ունեցել: Այդ մուտացիաների համատեղ ազդեցությունը կարող էր ազդել վերարտադրողական գործառույթի նվազման վրա, ինչն իր հերթին կարտահայտվեր հաջորդ սերնդին գեների փոխանցման վրա:

Թեև ժամանակի ընթացքում մի շարք «վնասակար» մուտացիաներ վերացել են, որոշակի մասը մնացել է նաև ժամանակակից մարդու մեջ: Գիտնականները պնդում են, որ աֆրիկացիները նեանդերթալցիների գեների բարձր մակարդակի պատճառով 1%-ով պակաս հարմարվածություն ունեն, քան մոլորակի մնացած բնակչությունը: Հնագույն մարդու ԴՆԹ-ն նույնպես մինչև հիմա ազդում է մաշկի գույնի և իմունիտետի վրա:

Հարցեր, պատասխաններ, մեկնաբանություններ