Հայտնաբերվել են գեներ՝ պատասխանատու վաղ սեռական հասունության համար. 1in.am

Քեմբրիջի համալսարանի գիտնականները հայտնաբերել են գեներ, որոնց մուտացիան պատասխանատու է վաղ սեռական հասունության համար: Այդ մասին հետազոտությունը հրապարակված է Nature Genetics ամսագրում:

Աշխատանքի ընթացքում վերլուծվել են 125 հազար բրիտանացիների, 241 հազար իսլանդացիների և 20 հազար ամերիկացիների գենետիկ տվյալները: Գիտնականները հայտնաբերել են գեների 38 տարբերակներ, որոնք կապված են առաջին սեռական փորձի տարիքի հետ: Դրանցից մեկը CADM2 գենն է, որը վերահսկում է ուղեղի զարգացումը և նեյրոնային կապերի ձևավորումը:

Աշխատանքի հեղինակները պնդում են, և իրենց հետազոտության արդյունքները հաստատում են, որ սեռական ակտիվության վաղ սկսելու վրա ազդում են ո՛չ միայն սոցիալական, այլև գենետիկ գործոնները:

Հարցեր, պատասխաններ, մեկնաբանություններ