Գիտնականները մկան իմունային համակարգը 500 մլն տարի հետ են տվել. news.am

Հետաքրքիր փորձը, որի արդյունքները հրապարակվել են «Cell Reports» ամսագրում, անցկացրել են Մաքս Պլանկի համայնքի իմունագիտության եւ էպիգենետիկայի ինստիտուտի գիտնականները: Նրանք մկան գեների մեջ հնագույն գեն են ակտիվացրել, որը չի գործում ժամանակակից կաթնասունների մոտ, այլ գործել է նրանց նախնի ձկների մոտ շուրջ 500 մլն տարի առաջ:

«FOXN1» գենը, որը գործում է կաթնասունների մոտ, պատասխանատու է T-բջիջների զարգացման համար: Գիտնականներն ակտիվացրել են «FOXN4» գենը մկան թիմուսի էպիթելային բջիջներում: Այս գենն առկա է ողնաշարավորների մոտ, սակայն ակտիվ է միայն ձկների մոտ:

Երբ գիտնականներն «արթնացրել են» մկան «FOXN4» գենը, թիմուսը ձկան թիմուսի հատկություններ է ձեռք բերել: Սա ապացուցում է, որ էվոլյուցիայի ընթացքում թիմուսի փոփոխությունները տեղի են ունեցել փոփոխվող գենի ազդեցությամբ. այն սկսել է կրկնապատկվել, հետ փոխվել ու «FOXN1» գենի է վերածվել:

Հնագույն գենի ազդեցությամբ փոխվել է ձկների իմունային համակարգը: Սկսել են ի հայտ գալ ո՛չ միայն T-բջիջներ, այլեւ B-բջիջներ, որոնք հակամարմիններ են արտադրում: Կաթնասունների մոտ դա տեղի է ունենում ոսկրածուծում:

Ըստ «Gazeta.ru»-ի, այդպես գիտնականները մոդելավորել են ողնաշարավորների իմունային համակարգի էվոլյուցիան, որը տեղի է ունեցել 500 մլն տարվա ընթացքում:

Հարցեր, պատասխաններ, մեկնաբանություններ