Արյան և թքի միջոցով հնարավոր կլինի սաղմի մոտ ախտորոշել 3500 գենետիկ խանգարումներ

ԱՄՆ-ի Վաշինգթոնի համալսարանի գիտնակնները նոր մեթոդ են մշակել համաձայն որի` հնարավոր կլինի մինչ ծննդաբերությունը սաղմի մոտ ախտորոշել շուրջ 3 500 գենետիկ խանգարում, գրում է Daily Mail-ը:

Գիտնակններն ակնկալում են, որ այս մեթոդը լայն տարծում կգտնի, քանի որ դրա կիրառման դեպքում թե մորը, թե սաղմին որևէ ֆիզիկական անհանգստաություն չի պատճառվում: Ներկայում սաղմի մոտ խանգարումների բացահայտման համար մասնագետները նմուշ են վերցնում հղի կնոջ ընկերքից` հատուկ զննաձող անցկացնելով արգանդի վզիկից: Սակայն այս մեթոդն էական արդյունքեր չի տալիս, քանի որ դրա միջոցով հնարավոր է պարզել հիվանդությունների բավական փոքր մասը:

Իսկ գենետիկ խանգարումների ախտորոշման նոր մեթոդն անհամեմատ ավելի պարզ կիրառում ունի. դեռևս չծնված երեխայի ծնողներից արյան և թքի նմուշներ են վերցնում և ուսումնասիրվում:

Նախքան այս մեթոդի մշակումը, գիտնականները հետազոտել են սաղմի ԴՆԹ-ի շղթան, մոր արյան ԴՆԹ-ն և հոր թքի ԴՆԹ-ն: Համադրելով բոլորի ԴՆԹ-ները` գիտնականները ստացել են ապագա երեխայի ամբողջական գենետիկ կոդը: Ծննդաբերությունից հետո նրանք համեմատել են սաղմի նախապես ստացված և արդեն ծնված երեխայի գենետիկ կոդերը և հայտնաբերել, որ դրանք լիովին համընկնում են:

Թեև նորագույն մեթոդը բավական հարմար է, սակայն գիտնակնները մտավախություն ունեն, որ այս տարբերակն էապես կխթանի արհեստական վիժեցման թվի աճին: Քանի որ նախապես իմանալով երեխայի մոտ առկա խանգարումների մասին` ծնողները կարող են նրան հեռացնելու որոշում կայացնել:

Հարցեր, պատասխաններ, մեկնաբանություններ