Բժիշկները ողնաշարի վնասվածքից հետո կարողացել են օրգանիզմին վերադարձնել շարժունակությունը. 1in.am

Գիտնականներն ապացուցել են, որ նեյրոտրոֆիկ արտեմին գործոնը ողնաշարի վնասվածքի դեպքում ընդունակ է վերականգնել վնասված նեյրոնների աքսոնները, հայտնում է PNAS հանդեսը:

Ողնաշարի վնասվածքները մասամբ հանգեցնում են ողնուղեղի և դրանից դուրս եկող նյարդերի նեյրոնային կապերի խախտմանը, որի արդյունքում մարմնի որևէ մաս կարող է կորցնել շարժունակությունը:

Բժիշկներին հաջողվել է ողնաշարի ծանր վնասվածքներով առնետներին վերադարձնել իրենց նախկին շարժունակությունը: Առնետներին ներարկում են նեյրոնների զարգացումը և ակտիվությունը խթանող նյութ՝ արտեմին, որի արտադրությունը կոդավորվում է ARTN գենով: Բուժման արդյունքում` վնասված նեյրոններով ողնուղեղի 4 սանտիմետրանոց հատվածը ամբողջությամբ վերականգնվում է: Դրանց աքսոնները կրկին ձևավորում են միելինային թաղանթ, որն անհրաժեշտ է էլեկտրական ազդանշաններ փոխանցելու համար, ինչպես նաև կապ են ստեղծում վնասվածքից առաջ առկա նեյրոնների հետ:

Գիտնականները համոզված են, որ իրենց նվաճումը կարող է նշանակալի առաջընթաց լինել ողնուղեղի վնասվածքների հետևանքների վերացման գործում:

Հարցեր, պատասխաններ, մեկնաբանություններ