Գլխի ամենաթեթև վնասվածքներն էլ ուղեղի վնասման պատճառ են դառնում

Գիտնականները ավելի շատ են հակվում այն մտքին, որ գլխի նույնիսկ ամենաթեթև վնասվածքները ժամանակի ընթացքում ուղեղի լուրջ վնասվածքի պատճառ կարող են հանդիսանալ,- տեղեկացնում է NY Times-ը: 

Նոր ուսումնասիրությունները կատարվել են մարզիկների, պատերազմի վետերանների և այլ մարդկանց վրա, ովքեր գլխի շրջանում հարվածներ են ստացել: Արդյունքները հրապարակվել են Brain ամսագրում:

Գիտնականները վերցրել են գլխին հարված ստացած 85 մահացածների ուղեղներից նմուշներ:

Ուսումնասիրությունները պարզել են, որ 85 մահացածներից 68-ը տառապել են ուղեղի ոչ բորբոքային անբուժելի հիվանդությամբ, որը ուղեկցվում է ընկճախտով, հիշողության կորստով և խելագարությամբ: 

Նրանց մեծամասնությունը ամերիկյան ֆուտբոլի խաղացողներ են եղել: Ուսումնասիրություններով զբաղվել են Բոստոնի համալսարանի գիտնականները: Ուսումնասիրությունները չորս տարի են տևել: 

Հարցեր, պատասխաններ, մեկնաբանություններ