Բրիտանացի գիտնականներն ատամն առանց լիցքի բուժելու միջոց են գտել. 1in.am

Բրիտանացի գիտնականները համոզված են, որ ատամները կարող են ինքնուրույն վերականգնել վնասվածքները, և լիցք օգտագործելու կարիք չի լինի։ Լոնդոնի Թագավորական քոլեջի թիմը պարզել Է, որ Tideglusib քիմիական նյութը կարող Է ատամի միջուկի բջիջներին ստիպել վերականգնելուլ մկների ատամներում գոյացած ոչ մեծ անցքերը:

Science Reports-ում հրապարակված հետազոտության մեջ ասվում Է, որ այս մեթոդը կհանգեցնի «ամբողջական և արդյունավետ բնական վերականգնման»:

Tideglusib պատրաստուկը մեծացնում Է ատամի միջուկի ցողունային բջիջների ակտիվությունը, ինչը թույլ Է տալիս վերականգնել մկների ատամների 0,13 մմ տրամագծով անցքերը, պատմել են գիտնականները:

Պատրաստուկով ներծծված կենսալուծվող սպունգը տեղադրվում Է ատամի վնասված մասում, իսկ վեևւից պաշտպանիչ շերտածածկույթ Է դրվում: Սպունգի քայքայմանը զուգընթաց դրան փոխարինում Է ատամոսկրը, և ատամը բուժվում է:

Ներկայում գիտնականներն ուսումնասիրում են, թե կարելի՞ է, արդյոք, այս նույն ձեւով վերականգնել ատամների ավելի խոշոր վնասվածքները:

Հարցեր, պատասխաններ, մեկնաբանություններ