Ատամների ամենօրյա խնամքը կօգնի խուսափել վտանգավոր հիվանդություններից. 1in.am

Նյու Յորքի համալսարանի գիտնականները պարզել են, որ ենթաստամոքսային գեղձի քաղցկեղը կապված է 2 տիպի մանրէների հետ, որոնք նաև առաջացնում են լնդերի հիվանդություն, հայտնում է comments.ua-ն:

Հետազոտողները 10 տարի հետևել են 732 մարդու առողջությանը: Ստացված տվյալները ցույց են տվել, որ այն մարդիկ, ովքեր բերանի խոռոչում ունեցել են P. gingivalis և A. Actinomycetemcomitans մանրէները, դիտարկման տարիների ընթացքում 2 անգամ ավելի հաճախ են հիվանդացել ենթաստամոքսային գեղձի քաղցկեղով:

Հայտնի է, որ տվյալ մանրէներն առաջացնում են նաև պարադոնտիտ՝ լնդերի ծանր հիվանդություն: Մասնագետների խոսքերով՝ իրենք վստահ չեն, որ հենց այդմանրէներն  են առաջացնում ենթաստամոքսային գեղձի քաղցկեղ, քանի որ դրանք պարզապես վիճակագրական տվյալներ են:

Հարցեր, պատասխաններ, մեկնաբանություններ