Ապագայի ատամնալիցքերը բիոակտիվ ապակի են պարունակելու. news.am

Մի քանի տարի անց ատամնաբույժները կարող են հիվանդներին նոր լիցքեր դնել, որոնք հատուկ բիոակտիվ ապակի կպարունակեն: Նոր նյութը շատ ավելի կայուն կլինի մանրէների ազդեցության նկատմամբ, ինչը նման լիցքն ավելի երկարակյաց կդարձնի, հավաստիացնում են Օրեգոնի համալսարանի գիտնականները:

Ջեյմի Քրուզիքն ու նրա գործընկերները բացատրել են, որ բիոապակին իրենից ներկայացնում է մանր ապակե փշուր, ու այն արդեն մի քանի տասնամյակ է օգտագործվում է ոսկրերի ամբողջականությունը վերականգնելու համար: Դրա կազմում սիլիցիումի, կալցիումի ու ֆոսֆորի օքսիդներ են:

Նման ապակու հավելումով պատրաստվող ատամնալիցքերը շատ ավելի ամուր կլինեն, նշում են գիտնականները: Դրանց տեղադրումը նաեւ կկանխի միկրոօրգանիզմների կողմից ատամի հյուսվածքի վնասումն ու կնվազեցնի կարիեսի կրկնակի զարգացման վտանգը:

Լաբորատոր պայմաններում գիտնականները նաեւ պարզել են, որ ապակե ատամնալիցքի տեղադրումը կնպաստի ատամի հյուսվածքի ռեմիներալիզացիային: Հիմա նրանք ծրագրում են իրենց ստացած արդյունքները հաստատել նաեւ կլինիկական փորձարկումներով: Եթե դա նրանց հաջողվի, ապա բացառված չէ, որ մոտ ապագայում նոր ատամնալիցքերն արդեն կսկսեն կիրառել պրակտիկայում:

Նոր հետազոտության մասին հայտնում է Dental Materials ամսագիրը:

Հարցեր, պատասխաններ, մեկնաբանություններ