Դուբայի ատամնաբույժները հաճախորդին 153 հազար դոլար արժողությամբ ժպիտ են նվիրել. 1in.am

Դուբայում ստոմատոլոգիական Liberty Dental Clinic կենտրոնը հիմա ծառայություններ է մատուցում «աշխարհում ամենաթանկ ժպիտի ստեղծման համար»` հաղորդում է News2Night-ը:

Նման ժպիտի արժեքը 153 հազար դոլար է, և գինը արդարացված է ծախսված նյութերի համեմատ: Նման ժպիտի մեկ օրինակի համար օգտագործվում է 10 գ ոսկի և 2,5 կարատ ընդհանուր քաշով 160 ադամանդ:

Ադամանդները ամրանում են ոսկյա արհեստական ատամներին, և արդյունքում հաճախորդը ստանում է «ոսկյա» և փայլող ժպիտ: Նորույթի հեղինակներն արդեն հայտ են ներկայացրել այն Գինեսի ռեկորդների գրքում գրանցելու համար:

Թանկարժեք ատամներ ունենալու որոշում արդեն կայացրել է երկու հաճախորդ` ՄԱԷ-ից մի աղջիկ և Կատարից մի տղամարդ: Հաճախորդների անունները չեն հրապարակվում:

Հարցեր, պատասխաններ, մեկնաբանություններ