Գիտնականները ջրիմուռի մեջ հայտնաբերել են մարդու ատամները կարիեսից փրկող մանրէներ

Բրիտանացի գիտնականները պնդում են, որ ծովի մամուռը կարող է փրկել մարդու ատամները փչանալուց կյանքի ողջ ընթացքում։ Համաձայն նրանց հետազոտությունների` մամուռի վրա ապրող որոշ մանրէներ կարող են ոչնչացնել կարիես առաջացնող մանրէները։ Այս մասին հաղորդում է BBC-ն։

Գիտնականներն ասում են, որ այս բացահայտումը տեղի է ունեցել պատահաբար։ Նրանց մի խումբ փորձել է գտնել նավի իրանը ժանգոտումից փրկելու մի միջոց և ջրիմուռի վրա հայտնաբերել է մանրէներ, որոնք ավելի լայն կիրառություն կարող են ունենալ։ Գիտնականները վստահ են, որ այդ օգտակար նյութերն անհրաժեշտ են բժշկության տարբեր ոլորտներին, այդ թվում` իմպլանտոլոգիային. այդ մանրէները պրոթեզները կպահեն կատարյալ վիճակում։

Հարցեր, պատասխաններ, մեկնաբանություններ