Հայերը բժշկի են դիմում միայն, երբ «դանակը ոսկորին է հասնում»

Հայաստանի Ստոմատոլոգների ասոցացիայի նախագահ Աշոտ Գևորգյանը վկայում է, որ ստոմատոլոգիան սկսել է հետընթաց ապրել մեր երկրում: «Թեև փաստ է, որ օրեցօր շատանում են ատամնաբուժարանները,սակայն մարդիկ ամեն օր երկու հիվանդ են ընդունում, հազիվ կարողանում են ապրել: Խոսք չի կարող գնալ որևէ տեխնիկական վերազինման մասին մտածելու մասին»,- այսօր լրագրողների հետ հանդիպմանը հայտարարեց Աշոտ Գևորգյանը:

Ըստ Գևորգյանի` ստոմատոլոգիական ծառայություններին դիմելու հաճախականությունը պակասել է ոչ միայն Հայաստանում, այլև ամբողջ աշխարհում: Մեզանում այդ միտմանը նպաստում է ևս մեկ` հայկական բնավորություն ` «չդիմել բժշկի մինչև դանակը չհասնի ոսկորին»:

«Ոլորտում միայն բարձր մակարդակի բժիշկների գործունեություն ապահովելու համար պետք է այլևս լիցենզիաներ չտալ ստոմատոլոգիական հիմնարկներ բացելու համար»,– կարծիք հայտնեց Աշոտ Գևորգյանը՝ հավելելով, որ քանի որ բժիշկների լիցենզավորումը թույլ է տրվում օրենքով, անհրաժեշտ է օրենսդրական փոփոխություն անել:

Բանախոսը նաև նշեց, որնոր ավարտած բժիշկները պետք է այլ ստատուս ունենան, քան փորձված բժիշկները:

Հարցեր, պատասխաններ, մեկնաբանություններ