ԱՄՆ-ում մինչև 8 տարեկան յուրաքանչյուր 88-րդ երեխան տառապում է աուտիզմով

ԱՄՆ-ի Հիվանդությունների վերահսկման կենտրոնի ուսումնասիրության համաձայն` ԱՄՆ-ում մինչև 8 տարեկան յուրաքանչյուր 88-րդ երեխան տառապում է աուտիզմով: Հատկանշական է, որ աուտիզմով առավել շատ տառապում են տղաները, քան աղջիկները:

Ըստ MIGnews.com-ի՝ 2006թ-ից սկսած հիվանդությունն աճել է մոտ 23%-ով, սակայն բժիշկները չեն կարողանում հասկանալ, թե որն է դրա պատճառը: Այդուհանդերձ, որոշ փորձագետներ կարծում են, որ այս ուսումնասիրությունը այդքան ճիշտ չէ ներկայացնում իրականությունը:

«Կարծում եմ, որ այս ցուցանիշը մեծապես պայմանավորված է չափանիշների փոփոխման հետ: Այսօր մենք հետազոտում ենք ավելի շատ երեխաների, քան 10 տարի առաջ»,- ասել է Ալբերտ Էնշտեյնի անվան դպրոցի պրոֆեսոր Իզաբել Ռաֆինան և ավելացրել. «Բացի այդ, այսօր ոչ միայն բժիշկները, այլև ծնողները, ուսուցիչները, դայակները, ինչպես նաև հասարակությունը ավելի շատ են տեղեկացված աուտիզիմի ախտանիշի մասին»:

Հարցեր, պատասխաններ, մեկնաբանություններ