Թուրք գիտնականները գտել են քաղցկեղի դեմ պայքարի իրենց մեթոդը

Թուրքիայի Գիտահետազոտական տեխնիկական կազմակերպության գիտնականները քաղցկեղի դեմ պայքարում են առնետի կաթի մեջ հայտնաբերված պրոտեինի միջոցով։ Ինչպես հայտնում է թուրքական YENİ SAFAK թերթը, թուրք հետազոտողներին հաջողվել է ստանալ պրոտեինը, որը կանխում է առնետների կաթի մեջ բջիջների անվերահսկելի բաժանումը։

Ենթադրվում է, որ ինտերֆերոն գամմա պրոտեինը (ԻԳՊ) մեծ ձեռքբերում կարող է հանդիսանալ մի շարք հիվանդությունների, մասնավորապես՝ քաղցկեղի, հեպատիտի և վարակային հիվանդությունների բուժման համար։

«Այժմ մեզ հաջողվել է ստանալ ԻԳՊ-ն առնետների կաթից։ Սա մարդկային գեն է, որը էական դեր է խաղում իմունային համակարգում»,- հայտնել է վերոնշյալ գիտահետազոտական կազմակերպության «Մարմարա» հետազոտական կենտրոնի պրոֆեսոր Հայդար Բաղիշը։ Նա նաև հավելել է, որ նախկինում իրենց հաջողվել է մարդկային բջիջներից ստանալ այդ գենի սահմանափակ քանակ, մինչդեռ «այժմ դա ավելի մատչելի և հաճախակի կարելի է ստանալ առնետների կաթից»։

Հարցեր, պատասխաններ, մեկնաբանություններ