Ասպիրինի ամենօրյա ընդունումը կարող է ճարպակալումով մարդկանց պաշտպանել քաղցկեղից. news.am

Ասպիրինի ամենօրյա ընդունումը կարող է կրճատել աղիների քաղցկեղի ռիսկն ավելորդ քաշով եւ ճարպակալմամբ մարդկանց մոտ: Այդ մասին հայտնում են բրիտանական   Newcastle-ի եւ Leeds-ի համալսարանի գիտնականները:

10 տարի տեւող հետազոտությունը ցույց է տվել, որ այդ ժողովրդականություն վայելող եւ ոչ թանկ հակաբորբոքային միջոցն, իրոք, զգալիորեն նվազեցնում է աղիների քաղցկեղի ռիսկը ճարպակալմամբ  մարդկանց մոտ, ովքեր կանոնավոր կերպով ասպիրին են ընդունում:

Գիտնականները հետեւել են Լինչի համախտանիշով 1000 հիվանդի, այն դեռեւս երիտասարդ տարիքում մեծացնում է աղիների քաղցկեղի եւ այլ ուռուցքների ռիսկը: Կամավորներն ամեն օր կամ ասպիրինի երկու հաբ են ընդունել, կամ` պլացեբո: Փորձարկման 55 մասնակցի մոտ աղիների քաղցկեղ է զարգացել հետագա 10 տարվա ընթացքում, եւ որքան շատ ավելորդ քաշ են ունեցել նրանք, այնքան բարձր է եղել ռիսկը. ճարպակալմամբ մարդիկ երեք անգամ ավելի հաճախ են բախվել քաղցկեղին` սլացիկ մարդկանց համեմատ:

Հետազոտության հեղինակներից մեկը` պրոֆեսոր Ջոն Բերնը նշել է, որ արդյունքները, իհարկե, հետաքրքիր են, սակայն միայն ասպիրինի վրա հույս դնել չարժե. քաղցկեղի շատ տեսակների կանխարգելման համար անհամամետ ավելի կարեւոր է ջանալ ավելորդ քաշ չհավաքել եւ առողջ կենսակերպ վարել:

Հարցեր, պատասխաններ, մեկնաբանություններ