Գիտնականներն ուղեղի քաղցկեղի դեմ պայքարի արդյունավետ միջոց են գտել. 1in.am

Առաջադեմ հետազոտությունների միջազգային դպրոցի մասնագետները ստեղծել են գենային թերապիայի մեթոդ, որն կօգնի ուղեղի ագրեսիվ քաղցկեղային ուռուցքի տեսակներից մեկի`՝ գլիոբլաստոմայի, բուժման գործում: Աշխատանքի արդյունքները հրապարակվել են Oncotarget պարբերականում:

Բուժման հիմնական բաղադրիչը կլինի գենը՝ հայտնի որպես Emx2, որը պատասխանատու է գլիալ բջիջների տեսակներից մեկի՝ աստրոցիտների, աճի ճնշման համար` դրանց սաղմնային զարգացման ժամանակ: Փորձերը ցույց են տվել, որ Emx2 գենի ակտիվացումը հաջողությամբ կանխում է քաղցկեղային բջիջների աճը, քանի որ գենն օգնում է նյութափոխանակության խախտմանը 6 տարբեր կետերում:

Ուռուցքի աճը ճնշող թերապիայի նկատմամբ քաղցկեղի կայունությունը բացատրվում է մեծաթիվ շրջանցիկ ճանապարհներով, որոնք քաղցկեղային բջիջներն օգտագործում են բուժմանը դիմակայելու համար: Emx2-ի ազդեցության դեպքում գլիոբլաստոմայի հնարավորությունները փոքր են:

Հարցեր, պատասխաններ, մեկնաբանություններ