Գիտնականները հերքել են բջջային հեռախոսների եւ ուղեղի քաղցկեղի միջեւ կապը. news.am

Բջջային հեռախոսների օգտագործումը չի մեծացնում ուղեղի քաղցկեղով հիվանդացման ռիսկը: Նման եզրակացության են հանգել Սիդնեյի համալսարանի աշխատակիցները` վերլուծելով տվյալները 30 տարվա ընթացքում: Հետազոտության արդյունքները հրապարակել է Cancer Epidemiology ամսագիրը:

Գիտական աշխատանքում հաշվի են առնվել Ավստրալիայում 1982-ից 2012-ի ընթացքում 19 858 տղամարդու եւ 14 222 կնոջ ուռուցքաբանական ախտորոշումները: Պարզվել է, որ ուղեղի քաղցկեղով հիվանդացության մակարդակը այդ ժամանակահատվածում կայուն է մնացել:

Չարորակ ուռուցքների ի հայտ բերման դեպքեր առավել հաճախ հանդիպել են միայն 70 տարեկանն անց մարդկանց մոտ, սակայն այդ աճը սկսվել է 1982-ին` Ավստրալիայում բջջային կապի հայտնվելուց հինգ տարի առաջ: Հետազոտողների կարծիքով, այս միտումը կապված է քաղցկեղի ախտորոշման մեթոդների կատարելագործման հետ, հայտնում է  Lenta-ն:

Հարցեր, պատասխաններ, մեկնաբանություններ