Կենսաբանները բացահայտել են վամպիր-ուռուցքների գաղտնիքը

Lenta.ru-ի փոխանցմամբ՝ Լոնդոնի Քաղցկեղի հետազոտության ինստիտուտի գիտնականները պարզել են, որ քաղցկեղն ունակ է դիմակայել բուժմանը՝ օգտագործելով շրջակա հյուսվածքների արյունատար անոթները։ Այդ գործընթացը, երբ քաղցկեղը շրջապատին հարմարեցնում է սեփական կարիքների համար, կոչվում է կոոպտացիա։ Հետազոտության արդյունքները հրապարակվել են Journal of the National Cancer Institute-ում։

Քաղցկեղը հաճախ հարուցում է անգիոգենեզ՝ սեփական արյունատար համակարգի զարգացում, որն աճող ու մասնատվող չարորակ բջիջներն ապահովում է անհրաժեշտ բոլոր նյութերով։

Բժիշկները քաղցկեղի աճի ճնշման համար սովորաբար կիրառում են հակագիոգենային միջոցներ։ Դժբախտաբար, դրանք ժամանակի ընթացքում դադարում են գործել, քանի որ քաղցկեղին հաջողվում է գտնել շրջանցիկ ուղիներ։ Մինչ այժմ հայտնի չէ, թե ինչպես է դա հաջողվում հիվանդությանը։

Գիտնականները պարզել են, որ բուժման դադարից հետո քաղցկեղը վերադառնում է սեփական արյունատար համակարգի կառուցմանը, ինչով էլ բացատրվում է այն, թե ինչու քաղցկեղով հիվանդ մի շարք մարդկանց մոտ որոշակի դադարից հետո քաղցկեղը վերստին կարող է արձագանքել բուժմանը։

Հարցեր, պատասխաններ, մեկնաբանություններ