Գիտնականներն իմունային համակարգին ինքնուրույն քաղցկեղի դեմ պայքարել ստիպելու միջոց են գտել. 1in.am

Լոնդոնի համալսարանական քոլեջի գիտնականները հայտարարել են, որ միջոց են գտել իմունային համակարգին ստիպելու պայքարել քաղցկեղի դեմ: Հետազոտողները յուրահատուկ կենսաբանական մարկերներ են հայտնաբերել ուռուցքում, որոնք անվանել են հիվանդության «աքիլեսյան գարշապար»: Բացահայտման մասին հոդվածը հրապարակվել է Science ամսագրում:

Գիտնականները պարզել են, որ ըստ աճի և օրգանիզմում տարածվածության՝ քաղցկեղային բջիջներն կենսամարկերների՝ մակերեսային պրոտեինների որոշակի խումբ են կրում, որոնց հայտնաբերելով՝ կարելի է իմունային համակարգի աշխատանքն ուղղել դրանք պարունակող բջիջների դեմ պայքարին:

Մեթոդը հիմնված է հիվանդի ԴՆԹ-ի ուսումնասիրության վրա և, գիտնականների խոսքով, այն կկարողանա փոխարինել քիմիա և ռադիոթերապիաներին: Դրանց փոխարեն կառաջարկվի վակցինա՝ պատրաստված հիվանդի քաղցկեղային ուռուցքից հանված պրոտեինների հիման վրա: Այն իմունային համակարգը կուղղի նպատակաուղղված պայքարի չարորակ բջիջների դեմ:

BBC News-ի հաղորդմամբ՝ նոր մեթոդը դեռ չի փորձարկվել հիվանդների վրա: Գիտնականները հույս ունեն այն փորձարկել առաջիկա 2 տարում:

Նշվում է, որ բուժման նոր ձևը կարող է առավել արդյունավետ լինել քաղցկեղի այնպիսի ձևերի դեպքում, որոնցից են՝ մելանոման կամ թոքերի քաղցկեղը: Գիտնականները նշում են, որ այդպիսի միջամտությունները չեն կարող էժան լինել:

Հարցեր, պատասխաններ, մեկնաբանություններ