Գիտնականները հակաքաղցկեղային դեղերի թունավորությունը նվազեցնելու միջոց են հայտնաբերել. news.am

Մեծ Բրիտանիայի եւ Շվեդիայի գիտնականները նանոմասնիկների ձեւ ունեցող հակաուռուցքային դեղի նոր տարբերակ են մշակել: Պարզվել է, որ ստացված դեղը միաժամանակ արդյունավետ է եւ պակաս թունավոր. Դա բավականին հազվագյուտ համադրություն է:

Գիտնականները` Սյուզան Էշթոնի ղեկավարությամբ, նանոմասնիկների մեջ Aurora B կինազայի արգելակիչ են ներառել, որի արդյունավետությունը ներկայում հետազոտվում է մի շարք կլինիկական փորձարկումներում:

Հակաուռուցքային դեղերը, սովորաբար, բազմաթիվ կողմնակի ազդեցություններ են ունենում: Նանոմասնիկների տեսքով դեղի հնարավորություն է տվել նվազեցնել դեղի թունավորության աստիճանը` միաժամանակ պահպանելով դրա արդյունավետությունը:  Նոր մշակումը փորձարկվել է մկների վրա, որոնք տառապում ուղեղ աղիքի քաղցկեղով:

Ինչպես ցույց են տվել փորձարկումները, նանոմասնիկները կուտակվել են ուռուցքի հատվածում, ինչից հետո ոչնչացել են` դանդաղորեն արտազատելով դեղը, որն ազդել է քաղցկեղային բջիջների վրա եւ գրեթե չի վնասել առողջ բջիջները: Նանոմասնիկներն արդյունավետորեն ճնշել են ուռուցքների աճը եւ անհամեմատ ավելի քիչ կողմնակի ազդեցություն ունեցել, քան չպատիճավորված արգելակիչը:

Հեղինակները նախատեսել են իրենց հետագա հետազոտություններում ստուգել նանոմասնիկների անվտանգությունը, ինչպես նաեւ տեսնել, թե ինչպես կգործեն պատիճի մեջ չտեղադրված հակաուռուցքային այլ միջոցները: 

Հարցեր, պատասխաններ, մեկնաբանություններ