Քաղցկեղի բջիջներն այլ բջիջների ձգում են «կամուրջների» օգնությամբ (տեսագրություն). news.am

Այովայի համալսարանի գիտնականները պարզել են, որ քաղցկեղի բջիջները «կամուրջների» օգնությամբ դեպի իրենց են ձգում այլ բջիջների: Գիտնականները տեսանյութ են հրապարակել, որում հնարավոր է տեսնել, թե քաղցկեղի բջիջներն ինչպես են գրավում առողջներին եւ ուռուցքներ ձեւավորում:

Հետազոտության ընթացքում ամերիկացի կենսաբանները պարզել են, որ քաղցկեղային բջիջներն ակտիվորեն գրավում են առողջներին  (կամ  քաղցկեղային այլ բջիջների), նրանց  մեկնելով կամրջի նման մի բան եւ միաձուլվելով: Գիտնականները նաեւ նկատել են, որ ուռուցքի ձեւավորման համար առնվազն 5 տոկոս քաղցկեղային բջիջներ են անհրաժեշտ:

«Նրանք ո՛չ միայն ձուլվում են միմյանց, - ասում է Այովայի համալսարանի կենսաբանության պրոֆեսոր Դեւիդ Սոլը: Այդ բջիջներն ակտիվորեն «հավաքագրում են» այլ բջիջների:  Դա բարդ, բայց ոչ պասիվ գործընթաց է: Ոչ-ոք չի կռահում, որ դրան հատուկ բջիջներ են մասնակցում, որոնց շատ փոքր քանակությունը դեպի իրեն է ձգում մնացած բոլորին»:

Պրոֆեսոր Սոլի խոսքով, այդ բջիջները «ճշգրտորեն գիտեն, թե ինչ են անում», «նրանք ուռուցքներ են ստեղծում»: Գիտնականներն առայժմ պատրաստ չեն ճշգրիտ պատասխանել այն հարցին, թե նրանք դա կատարվում:

Հարցեր, պատասխաններ, մեկնաբանություններ