Նոր թեստը կարող է կանխատեսել քաղցկեղը դրա զարգացումից 10 տարի առաջ. tert.am

Հարվարդի համալսարանի գիտնականները մշակել են նորարարական մի թեստ, որը թույլ է տալիս 100 տոկոսանոց ճշգրտությամբ կանխատեսել քաղցկեղի առաջացումը հիվանդության զարգացումից դեռ 10 տարի առաջ:

Ինչպես նշում է telegraph.co.uk-ը, մասնագետները պարզել են, որ քաղցկեղի ախտորոշումից 1 տասնամյակ առաջ մարդու օրգանիզմում արդեն սկսվում են որոշակի փոփոխություններ տեղի ունենալ:

Ուսումնասիրությունների արդյունքները ցույց են տվել, որ քաղցկեղ զարգացնելուն հակված մարդկանց օրգանիզմում ԴՆԹ-ն վնասվելուց պաշտպանող քրոմոսոմների վերջավորությունները` տելոմերները, սկսում են կարճանալ:

Մասնագետների խոսքերով, կարճացող տելոմերներ ունեցող բոլոր մարդկանց մոտ տարիներ անց ախտորոշվել է քաղցկեղ: Նրանց կարծիքով, տելոմերների հաճախակի ուսումնասիրությունը թույլ կտա կանխել մահացու հիվանդության առաջացումը:

Հարցեր, պատասխաններ, մեկնաբանություններ