Գիտնականները քաղցկեղի բջիջների «ունիվերսալ անջատիչ» են հայտնաբերել. news.am

Ամերիկացի կենսաբանнերրը պարզել են, որ քաղցկեղի բջիջներն իրենց մեջ աճի «ունիվերսալ անջատիչ» են պարունակում, որը սովորաբար գործի է դրվում այն ժամանակ, երբ դրանք հասնում են անհրաժեշտ չափերի:  Այս էֆեկտն ակտիվացնող դեղերը կարող են կանխել քաղցկեղի աճը:

Բժիշկների միջազգային խումբը քաղցկեղային բջիջների սպիտակուցների ունիվերսալ համակցություն է հայտնաբերել: Այս համակցությունը կարող է դադարեցնել քաղցկեղի աճը, նշվում է Oncogene ամսագրում լույս տեսած հոդվածում:

«Մենք կարծում էինք, որ քաղցկեղի բջիջները պարզապես կորցնում են վերահսկողությունը: Սակայն պարզվեց, որ իրականում այդ բջիջների մոտ պահպանվում է հիշողության այն ֆրագմենտը, որը վերաբերվում է դրանց երբեմնի «օրինապաշտ վիճակին»: Սա այն է, ինչի պատճառով մեր բացահայտումն այդքան կարեւոր է դառնում», - նշում է Ջորջթաունի համալսարանի աշխատակից Անտոն Վելշթայնը (Anton Wellstein):

Վելշթայն ու գործընկերները հայտնաբերեցին, որ քաղցկեղային բջիջները՝ չնայած խաթարված ԴՆԹ-ին, պահպանում են իրենց բազմացումը վերահսկելու գործառույթը:

Հոդվածի հեղինակներից մեկը, հետեւելով քաղցկեղի նմուշների աճի գործընթացին, նկատել է, որ «գերբնակեցված» անոթների քաղցկեղային բջիջները շատ ավելի մեծ դժվարությամբ էին ներթափանցում գիտափորձում ներառված կենդանիների առողջ հյուսվածքները, քան հարաբերականորեն ազատ անոթների բջիջները:

Քաղցկեղի բջիջների աճի արագության տարբերությունը զարմացրեց կենսաբաններին: Պարզվեց, որ «գերբնակեցված» կոլբաների  քաղցկեղային բջիջների աճի արագության անկման պատճառն այն էր, որ դրանց մոտ ակտիվ էր Hippo սպիտակուցների շղթան, որն էլ պատասխանատու է օրգանների չափերի համար քաղցկեղի բջիջների կայացման փուլում:

«Տեսականորեն միեւնույն քաղցկեղային բջիջները կարելի է դարձնել ե՛ւ ավելի ագրեսիվ, ե՛ւ ավելի հանգիստ՝ կախված Hippo-ի ակտիվությունից», - նշում է Վելշթայնը:

Նրա խոսքով՝ ինչպես ցույց տվեց գիտափորձը, Hippo-ի լիարժեք տարբերակն առկա է քաղցկեղի ո՛չ միայն մեկ, այլ բազմաթիվ տեսակների մեջ՝ ներառյալ կրծքագեղձի քաղցկեղը, շագանակագեղձի, ենթաստամոքսային գեղձի, թոքերի քաղցկեղը եւ քաղցկեղի մի շարք այլ տեսակներ: Ինչպես ենթադրում են գիտնականները, Hippo-ն ակտիվացնող դեղամիջոցները կարելի է օգտագործել քաղցկեղի բջիջների աճը դանդաղեցնելու և մետաստազները կասեցնելու համար հիվանդության վաղ փուլում:

Հարցեր, պատասխաններ, մեկնաբանություններ