Սուրճը նվազեցնում է մելանոմայի առաջացման հավանականությունը. news.am

ԱՄՆ-ի Յեյլի համալսարանի Ազգային ուռուցքաբանական ինստիտուտի գիտնականները պարզել են, որ օրական մի քանի գավաթ սուճ խմելը 20 տոկոսով նվազեցնում է մելանոմայի (մելանոցիտների չարորակ ուռուցք է, որն առավելապես առաջանում է մարդու մաշկում) առաջացման հավանականությունը:

LiveScience-ի հաղորդմամբ՝ նրանք նման եզրահանգման եկել են՝ ավելի քան տասը տարվա ուսումնասիրության արդյունքում՝վերլուծելով 450 000 մարդու տվյալներ: Գիտնականները հետազոտության ընթացքում հայտնաբերել են մելանոմայի՝ վաղ փուլում գտնվող 1900 դեպք եւ ավելի ծանր փուլում գտնվող 2900 դեպք: Այնուհետ նրանք ուսումնասիրել եւ համեմատել են մաշկի քաղցկեղի առաջացմանը նպաստող հնարավոր գործոնները՝ մարմնի քաշ, ալկոհոլի օգտագործում, ուլտրամանուշակագույն ճառագայթների ազդեցություն (ազդեցությունը որոշելու համար ուսումնասիրողները հաշվի են առել տվյալ մարդու բնակության վայրի արևային լույսի քանակը):

Պարզվել է, որ հավասար պայմանների առկայության դեպքում հենց սուրճը կարող է պաշտպանել մարդուն մաշկի քաղցկեղից: Օրական առնվազն 4 գավաթ սուրճ օգտագործած 100 000 մարդու շրջանում մելանոմայի 55,9 դեպք է գրանցվել, իսկ 4 գավաթից քիչ օգտագործողների շրջանում՝ 77,64 (100 000 մարդուց):

Ուսումնասիրողները նշել են, որ խոսքը կոֆեին պարունակող սովորական սուրճի մասին է: Ինչ վերաբերում է կոֆեինազերզված սուրճին, ապա այն, ամենայն հավանականությամբ, դեր չի խաղում մելնոմայի կանխարգելման գործում: Ենթադրվում է, որ սուրճի հակաքաղցկեղային ազդեցությունը կապված է հենց կոֆեինի հետ: Ուսումնասիրողները չեն բացառում, որ կոֆեինազերզված սուրճում կան նաև այլ նյութեր, որոնք եւս խոչընդոտում են մելանոմայի զարգացումը:

Հարցեր, պատասխաններ, մեկնաբանություններ