Քնի և արթուն փուլերի հետ կապված գենը պաշտպանում է քաղցկեղից. 1in.am

Պարզվում է, որ PER2 սպիտակուցը, որը կարգավորում է քնի և արթուն փուլերը, փոխազդում է այն սպիտակուցների հետ, որոնք ճնշում են ուռուցքային գոյացությունները: Սակայն հաճախ այդ սպիտակուցը, որոշ գործոնների, այդ թվում նաև քնի խանգարման պատճառով դադարում է կատարել իր գործունեությունը: Այս մասին հաղորդում է Meddaily-ն:

Եթե PER2 չի գործում, ապա այն չի կարող կանխարգելել բջիջների բաժանումը օրվա որոշակի հատվածում: Դա հատկապես վատ է այն դեպքում, երբ այն գեները, որոնք ճնշում են ուռուցքների գոյացումը, փոփոխվում են: Այդպես է լինում քաղցկեղի ավելի քան 80%-ի դեպքում:

Ուսումնասիրելով մարդկանց և կենդանիների քաղցկեղածին բջիջները՝ Վիրջինիայի պոլիտեխնիկական համալսարանի գիտնականները հայտնաբերել են, որ PER2 գենի ակտիվության ճնշումը հանգեցնում է ցիրկադային ռիթմերի խանգարմանը և չարորակ ուռուցքների առաջացմանը:

Ներկայումս հետազորողները փորձում են պարզել՝ PER2 գենի գործունեության խախտումը կարո՞ղ է արդյոք հանգեցնել քաղցկեղի առաջացման: Նրանք նաև փորձում են մշակել արդյունավետ միջոցներ այն մարդկանց համար, ովքեր ամենից շատ են վտանգված, օրինակ, այն կանայք, ովքեր աշխատում են գիշերային հերթափոխով:

Հարցեր, պատասխաններ, մեկնաբանություններ