Ավստրալական հատապտուղը 2 շաբաթում բուժել է չարորակ ուռուցքը. 1in.am

Դեղամիջոցը՝ պատրաստված ավստրալական հազվադեպ բույսից, ոչնչացրել է մկների մոտ չարորակ ուռուցքի 70 տոկոսը՝ 2 շաբաթում: EBC-46 կոդային անվանումով դեղամիջոցը ստացվել է Hylandia dockrillii բույսի կորիզներից, որն աճում է միայն Քվինսլենդի մերձարևադարձային անտառներում:

Մինչկլինիկական փորձարկումների արդյունքները ներկայացված են PLoS One ամսագրում, հայտնում է The Guardian-ը:

Գիտնականները դեղամիջոցի ներարկումներ էին կատարել մկների մաշկում՝ անմիջականորեն մելանոմայի մեջ, ինչպես նաև 300 տնային կենդանիների պարանոցի և գլխի ուռուցքներում:

2 շաբաթ անց նույն տեղում հայտնաբերվել էր մաքուր մաշկ՝ առանց որևէ հետքի:

Հետազոտողների կարծիքով՝ դեղամիջոցը գործարկում է բջջային ռեակցիա, որը փակում է քաղցկեղի արյան շրջանառությունը:

Դեղամիջոցներ ստեղծող ընկերությունները ներկայումս քննարկում են Hylandia dockrillii պլանտացիայի ստեղծման հարցը:

Հարցեր, պատասխաններ, մեկնաբանություններ