Կրծկալ կրելու եւ կրծքագեղձի քաղցկեղի առաջացման միջեւ որեւէ կապ չի հայտնաբերվել. med.news.am

Այն, որ արդի բժշկագիտությունը փաստում է, որ քաղցկեղը ժառանգական նախատրամադրվածություն ունի ոլորի է հայտնի: Իսկ ահա  ամերիկացի գիտնականներին չի հաջողվել տարեց կանանց մոտ կրծկալ կրելու սովորության եւ կրծքագեղձի քաղցկեղի առաջացման միջեւ որեւէ կապ հայտնաբերել:

Փորձագետներն իրենց եզրահանգումները Cancer Epidemiology, Biomarkers & Prevention գիտական ամսագրի ընթերցողների հետ են կիսել:

Հետազոտությունը թե առողջ, եւ թե կրծքագեղձի քաղցկեղով տառապող ավելի քան հազար կանանց շրջանում է իրականացվել: Գիտնականները փորձել են, մասնավորապես, նրանց գենետիկ տվյալները, հիվանդության ընտանեկան պատմությունը եւ տարբեր ժողովրդագրական ցուցանիշներ վերլուծել, հաղորդում է USA Today-ը:

Արդյունքում պարզվել է, որ կրծկալ կրելու եւ օնկոլոգիական հիվանդության առաջացման միջեւ որեւէ կապ չի գործում: Ավելին՝ նույնիսկ կրծկալի մոդելը չի կարող որեւէ կերպ հիշյալ օրինաչափությունը խախտել: Ստացվում է, որ թե զարգացած, եւ թե երրորդ աշխարհի երկրներում, կանայք միայն ժառանգական նախատրամադրվածությամբ  են հիվանդությամբ ախտորոշվելու ռիսկ կրում:

Հարցեր, պատասխաններ, մեկնաբանություններ