Ամերիկացի գիտնականները սովորել են քաղցկեղը բուժել մանրէների օգնությամբ

Ամերիկացի փորձագետները հայտարարել են մանրէների միջոցով քաղցկեղի բուժման բեկումնային առաջընթացի մասին: Այս մասին հաղորդում է Росбалт.ru-ն՝ հղում կատարելով Healthvesti.com-ին: Ներկա պահին գիտնականներն ակտիվ ուսումնասիրություններ են անցկացնում, սակայն արդեն իսկ իրականացված ուսումնասիրությունները ցույց են տվել, որ տվյալ դեղը թափանցում է չարորակ ուռուցքի մեջ և ոչնչացնում այն ներսից:

Իրականացված ուսումնասիրության արդյունքները հրապարակվել են Science Translational Medicine հանրահայտ ամերիկյան ամսագրում:

Ջոնս Հոպկինսի համալսարանի մասնագետներից կազմված խումբն արդեն 10 տարի ուսումնասիրում է տարբեր մանրէների ազդեցությունը քաղցկեղածին բջիջների վրա:

Ի վերջո՝ գիտնականները կենտրոնացել են Clostridium novyi կոչվող մանրէների վրա, որոնցից հեռացնելով գենի տոքսինը՝ միկրոօրգանիզմը թերապևտիկ օգտագործման համար առավել անվտանգ են դարձրել:

Հարցեր, պատասխաններ, մեկնաբանություններ