Ասպիրինի ամենօրյա ընդունումը՝ քաղցկեղի դեմ պայքարի լավագույն միջոց. 1in.am

Ամեն օր ասպիրին ընդունելը կարող է նվազեցնել ստամոքսի և աղիների քաղցկեղի զարգացման կամ մահվան ռիսկը: Իրենց կատարած նոր հետազոտությունների այսօրինակ արդյունքներն են բարձրաձայնում  բրիտանացի մասնագետները: Մարիա թագուհու լոնդոնյան համալսարանի հետազոտողների զեկույցը հրապարակվել է Annals of Oncology ամսագրում:

Գիտնականների գնահատմամբ՝ եթե 50 տարեկանից մեծ յուրաքանչյուր բրիտանացի 10 տարի ասպիրին ընդուներ, 2 տասնամյակում հնարավոր կլիներ 122 հազար կյանք փրկել:

Սակայն հետազոտողները զգուշացնում են, որ ասպիրինը  կարող է ներքին արյունահոսության պատճառ դառնալ, քանի որ փոխվում են արյան ռեոլոգիական հատկությունները: Դրա ակնառու նշաններից մեկն էլ արյան մակարդելիության իջեցումն է: Ինչի հետևանքով է պատուհաս դառնում  ներքին արյունահոսությունը: Հետազոտողները խորհուրդ են տալիս   մինչ ասպիրին ընդունելը խորհրդակցել բժշկի հետ:

Հարցեր, պատասխաններ, մեկնաբանություններ