Շագանակագեղձի քաղցկեղի բուժման եզակի մեթոդ է հայտնաբերվել

Լոնդոնի համալսարանական քոլեջը հայտարարել է, որ շագանակագեղձի քաղցկեղի բուժման եզակի մեթոդ է գտել: Գիտնականները ենթադրում են, որ ձայնային ալիքները կայրեն քաղցկեղային բջիջները: Այս մասին հաղորդում է Meddaily.ru-ն՝ հղում կատարելով Financial Express-ին:

Այդ մեթոդը թույլ է տալիս գործընթացը հնարավորինս ճշգրիտ և ուշադիր իրականացնել: Բացի այդ,  ի տարբերություն բուժման ստանդարտ մեթոդների, ձայնային ալիքների կողմնակի բարդությունները նվազագույնս կլինեն:

Մեթոդը հայտնի է դարձել որպես ուլտրաձայնային բարձր ինտենսիվությամբ ալիքներ (HIFU), որոնք հեռացնում են  մի քանի միլիմետրը չգերազանցող ուռուցքները:

Կլինիկական փորձեր քաղցկեղով հիվանդների վրա արդեն արվել են: Մեկ տարի անց նրանց 95%-ի մոտ քաղցկեղի հետքեր չեն արձանագրվել:

Հարցեր, պատասխաններ, մեկնաբանություններ