Ինչպե՞ս խուսափել ուռուցքային հիվանդություններից. մասնագետ

Հասարակության զարգացման, մարդկության աճի տեմպերի արագացման և էկոլոգիական զանազան խնդիրների առաջացման հետ ավելանում են նաև մարդկանց առողջության համար չափազանց վտանգավոր` ուռուցքածին գործոնները: Առողջապահության համաշխարհային կազմակերպությունը (ԱՀԿ) պարբերաբար ահազանգում է ուռուցքային հիվանդությունների աճի մասին: Հրապարակված ցուցանիշներն, իհարկե, հուսադրող չեն, սակայն, նորագոյացությունների առաջացումը կարելի է հնարավորին կանխել` հետևելով բժիշկների խորհուրդներին:

Ուռուցքաբանության ազգային կենտրոնի թոքային-լոռ բաժանմունքի բժիշկ-քիմիաթերապևտ Բելլա Առաքելյանը ՄԱՄՈՒԼ.am լրատվականի հետ զրույցում նշեց, որ ուռուցքային նորագոյացություններից խուսափելու ամենաառաջին պայմանն ապրելակերպի փոփոխությունն է:

''Ավելի շատ ուշադրություն պետք է դարձնել ոչ թե առօրյա խնդիրներին, այլ առողջությանը: Պետք է ավելի շատ հանգստանալ, զբաղվել սպորտով, խուսափել արագ սննդի կետերում սնվելուց: Նաև շատ կարևոր է նվազագույնին հասցնել սթրեսները'',- ասաց Բելլա Առաքելյանն` ընդգծելով. ''Առավել մեծ վտանգ են ներկայացնում ապխտած մսեղենն ու տապակած ուտելիքները'':

Հարցեր, պատասխաններ, մեկնաբանություններ