Սննդի և դեղամիջոցների ադմինիստրացիան (FDA) հավանություն է տվել քաղցկեղի բուժման իսրայելական մեթոդին

Հայֆական ՆովոՔյուը (NovoCure) ընկերությունը ստացել է Սննդի և դեղամիջոցների ամերիկյան ադմինիստրացիայի թույլտվությունը` մագնիսական դաշտերի ազդեցությամբ ուղեղի քաղցկեղի բուժման համար նախատեսված սարքերի վաճառքի համար:
Այժմ ՍԴԱ-ն թույլ է տվել սարքն օգտագործել միայն գլիոբլաստոմայի (ուղեղի քաղցկեղի առավել տարածված տեսակ) ագրեսիվ տիպով հիվանդների բուժման համար, որոնք արդեն անցել են ավանդական բուժման կուրսը:

Սարքի ստեղծողները պնդում են, որ այն, ինչպես չարորակ ուռուցքների ճնշման այլ մեթոդները, ճնշում է քաղցկեղի բջիջների գործունեությունը և դրանով իսկ արգելակում ուռուցքի աճը: Դրա հետ մեկտեղ, քանի որ սարքը նեղ ուղղվածության ազդեցություն ունի, ավելի քիչ բարդություններ է առաջացնում:

ՆովոՔյուը ընկերության տնօրեն Ասաֆ Դանցիգերը Գլոբսին (Globes) տված հարցազրույցում նշեց, որ վերջին 35 տարիների ընթացքում ՍԴԱ-ն գլիոբլաստոմայի բուժման նոր միջոցներից միայն մեկին է թույլտվություն տվել, դա Էվաստինն է: Իսրայելական սարքը դարձել է երկրորդ նորարարությունը, որը ճանաչվել է ամերիկյան իշխանությունների  կողմից:

Հարցեր, պատասխաններ, մեկնաբանություններ