Պարկինսոնի հիվանդությունը հնարավոր է ախտորոշել մեզի միջոցով. news.am

Ալաբամայի համալսարանի գիտնականները Պարկինսոնի հիվանդությամբ տառապող հիվանդների մեզում հայտնաբերել են բիոմարկեր, որը կապված է այդ հիվանդության հետ եւ ապագայում կարող է օգնել Պարկինսոնի հիվանդության ախտորոշմանը։

Հետազոտության ընթացքում գիտնականներն ուսումնասիրել են այդ հիվանդությամբ տառապող 79-ական առողջ եւ հիվանդ մարդկանց մեզի նմուշը եւ որոշել են LRRK2 սպիտակուցի խտությունը։ Ավելի վաղ հաստատվել էր, որ Պարկինսոնի հիվանդությամբ տառապողների մոտ հաճախ նկատվել են կինազայի սպիտակուցային կրկնություններով հարուստ գենին առնչվող մուտացիաներ, որի պատճառը դարդարին սպիտակուցն է։ Այս գենի մուտացիաներ են նկատվել հիվանդներից 2-3 տոկոսի մոտ։ Կինազան զարգանում է գլխուղեղի նեյրոններում, սակայն գիտնականները սպիտակուց են հայտնաբերել նաեւ կենսահեղուկում, օրինակ՝ մեզում կամ թքի մեջ։

Էնդրյու Վեսթը եւ նրա գործընկերները հայտնաբերել են, որ մեզում այդ սպիտակուցի խտությունը կախված է նաեւ Պարկինսոնի հիվանդության ծանրության աստիճանից եւ այն բարդություններից, որոնց հիվանդն ամեն օր բախվում է։ Հետազոտողները կարծում են, որ ՄՌՏ-ի հետ համատեղ սքրինինգային մեթոդն օգտագործելով՝ իրենք կարող են ճշգրիտ ախտորոշել հիվանդությունը, հետեւել դրա զարգացմանը եւ բուժման արդյունավետությանը։

Հարցեր, պատասխաններ, մեկնաբանություններ