Կապույտ լույսի ազդեցությամբ ավելի է կենտրոնանում մարդկանց ուշադրությունը. հետազոտություն. 1in.am

Հետազոտողները պարզել են, որ մարդը կապույտ լույսի ազդեցությամբ կարող է ավելի լավ կենտրոնացնել ուշադրությունը և ավելի արագ որոշումներ ընդունել: Աշխատանքը ներկայացված է Sleep2016 համաժողովում, հայտնում է gazeta.ru-ն:

Արիզոնայի համալսարանի գիտնականներն ընտրել են 18-32 տարեկան 35 կամավորի: Մասնակիցներին բաժանել են երկու խմբի: 30 րոպե առաջին խմբի մարդկանց վրա ազդել են կապույտ լույսով, երկրորդ խմբի վրա՝ դեղին: Այնուհետև մասնակիցները տարբեր առաջադրանքներ են կատարել, իսկ գիտնականները ֆունկցիոնալ մագնիսառեզոնանսային տոմոգրաֆիայի միջոցով գրանցել են նրանց ուղեղի ակտիվությունը: Պարզվել է՝ առաջին խմբի անդամները առաջադրանքներն ավելի լավ են կատարել:

Ճանաչողական ունակությունների աճ եղել է ինչպես կապույտ լույսի ազդեցության ժամանակ, այնպես էլ այն անջատելուց հետո 40 րոպեի ընթացքում:

Հարցեր, պատասխաններ, մեկնաբանություններ