Ցողունային բջիջները ոտքի են կանգնեցրել ուղեղի կաթված տարած անդամալույծներին. news.am

Ամերիկացի գիտնականները կարողացել են ոտքի կանգնեցնել ուղեղի ծանր կաթվածներով հիվանդների` նրանց ուղեղի մեջ ցողունային բջիջների ներարկումներ կատարելով: Առանց այդ բուժման նրանց սպասվում էր անդամալուծություն մնացած.,.. ամբողջ կյանքի ընթացքում:

18 հիվանդ իրենց համաձայնությունն են տվել գանգոսկրերում անցքեր բացելուն եւ իրենց ուղեղի վնասված մասում ցողունային բջիջների ներարկումներ կատարելուն, որն իրականացրել են Սթենֆորդի համալսարանի գիտնականները: Ուղեղի կաթվածի բուժման այդ փորձարարական մեթոդը ցնցող արդյունքներ է տվել հիվանդների շարժունակության վերականգնման առումով: Ավելին, այն ազդել է նրանց վրա, ովքեր ուղեղի կաթված էին տարել փորձարարական բուժումից մի քանի ամիս եւ նույնիսկ տարիներ առաջ: Ավելի վաղ գիտությունը համոզված էր, որ կաթվածից 6 ամիս անց ուղեղն այլեւս ի վիճակի չէ վերականգնվելու:

Սակայն նոր թերապիան հասուն մարդկանց ուղեղն արդյունավետորեն վերադարձրել են նորածինների վիճակի, որպեսզի այն կարողանա ինքն իրեն վերականգնվել: Սթենֆորդի համալսարանի գիտնականները ենթադրում են, որ այդ թերապիան կկարողանա ազդել նաեւ նյարդադեգեներատիվ այլ խանգարումների դեպքում, ինչպիսիք են Ալցհայմերի եւ Պարկինսոնի հիվանդությունները, ինչպես նաեւ կողային ամիոտրոֆիկ սկլերոզը:

«Վերականգնումը, որը դիտարկել ենք ուղեղի կաթվածով քրոնիկական հիվանդներից շատերի մոտ, զարմանալի էր,- ասում է Սթենֆորդի նյարդաբանության եւ նյարդավիրաբուժության բաժանմունքի ղեկավար պրոֆեսոր Գերի Սթեյնբերգը, ով 15 տարի զբաղվել է ցողունային բջիջների ուսումնասիրությամբ: Եվ դա բոլորովին էլ այն շարքից չէր, երբ նրանք «չէին կարողանում մատը շարժել, իսկ այժմ կարողանում են»:

Հաշմանդամի սայլակին գամված հիվանդները ոտքի են կանգնել եւ քայլել: Տեղաշարժման նրանց  կարողությունը բավականին արդյունավետ վերականգնվել է:  Դա աննախադեպ էր: Մեր հետազոտության արդյունքները հերքում են նախորդ կարծիքը, թե հիվանդներն ի վիճակի չեն վերականգնվել ուղեղի կաթվածին հետեւող առաջին  6 ամսից հետո ուղեղում կապերի մահանալու կամ անվերականգնելի վնասի հետեւանքով: Լիովին ակնհայտ է, որ ուղեղում կապերը կարող են վերականգնվել այդ բուժման օգնությամբ եւ մենք դեռ ուսումնասիրում ենք աներեւակայելի հեռանկարները»:

Հարցեր, պատասխաններ, մեկնաբանություններ