Նոր տեխնոլոգիան թույլ կտա կառավարել ձեռքի պրոթեզի մատները. news.am

Ջոն Հոփկինսի համալսարանի գիտնականները նեյրոհամակարգչային ինտերֆեյս են մշակել (brain-machine interface (BMI)), որը թույլ կտա ուղեղի ազդանշանների օգնությամբ կառավարել ձեռքի պրոթեզի առանձին մատները: 

Այսօր բազմաթիվ ժամանակակից պրոթեզներ կան, որոնք կառավարվում են գլխուղեղի կողմից, սակայն այդ պրոթեզների դեպքում հիվանդները կարող են ընդամենը միաժամանակ շարժել բոլոր մատները: Նեյթան Քրոունի եւ իր գործընկերների մշակումը կօգնի պրոթեզներն ավելի կատարյալ դարձնել` հիվանդներին հնարավորություն տալով կառավարել յուրաքանչյուր մատը:

Փորձարկմանը մասնակցել է էպիլեպսիայով 20-ամյա հիվանդ. նրա գլխուղեղի կեղեւի այն հատվածը, որը պատասխանատու է դաստակի շարժման համար, 128 էլեկտրոդ է պարունակող թիթեղիկ են մտցրել: Բժիշկներն այն տեղադրել են` պարզելու, թե որտեղ է էպիլեպտիկ աղբյուրը, իսկ գիտնականները ստացված տվյալներն օգտագործել են մատներից յուրաքանչյուրի շարժման ընթացքում ուղեղի ակտիվության գրանցման համար:

Այդ տվյալների հիման վրա նրանք նեյրոհամակարգչային ինտերֆեյս են ստեղծել, որի օգնությամբ հնարավոր է դարձել կառավարել ձեռքի բիոնիկական պրոթեզը` նույնիսկ առանց նախնական ուսուցման:

Նոր մշակումն առայժմ փորձարկվել է անդամահատված վերջույթով միայն մեկ հիվանդի վրա. նրան հաջողվել է 77 տոկոս ճշգրտությամբ առանձին կառավարել յուրաքանչյուր մատը: Գիտնականները նշում են, որ իրենք նախատեսում են շարունակել հետազոտությունները  եւ նոր պրոթեզները հիվանդների համար ավելի մատչելի դարձնել:  Այդ մասին տեղեկացնում է Journal of Neural Engineering:

Հարցեր, պատասխաններ, մեկնաբանություններ