Նեյրոֆիզիոլոգները միայնության զգացողության կենտրոն են հայտնաբերել մկների ուղեղում. 1in.am

Գիտնականները հայտնաբերել են մկան ուղեղի հատուկ մաս, որտեղ ակտիվանում է ողջ մնալու բնազդը, երբ կրծողները կամ մարդիկ իրենց միայնակ են զգում՝ նրանց ստիպելով ցեղակիցների ընկերակցություն փնտրել: Այս մասին ասվում է Cell ամսագրում հրապարակված հոդվածում:

Գիտնականները խոստովանում են, որ սկզբում փորձարկումներ անելով մկների վրա՝ ուսումնասիրել են, թե ուղեղի տարբեր մասերն ինչպես են արձագանքում հաճույքի հորմոն դոֆամինին և դրա բաշխման ու աշխատանքի մեջ այն խախտումները, որոնք առաջանում են թմրակախվածության առաջացման հետևանքով:

Փորձերի ընթացքում գիտնականները թմրակախվածություն ունեցող մկներին դրել են «մեկուսիչ» վանդակներում, որտեղ վերջիններս օրեր շարունակ միայակ են մնացել և առանց թմրանյութերի հասանելիության՝ հետևելով դրանց ուղեղի փոփոխություններին:

Ուսումնասիրությունների ընթացքում գիտնականների ուշադրությունը գրավել է նյարդային համակարգի համեմատաբար քիչ ուսումնասիրված հատվածը՝ միջին ուղեղի միջուկը (DRN): Այդ հատվածում ակտիվությունն աճել է մեկուսի վիճակում:

Պարզվել է՝ ուղեղի այդ մասը միացել է միայն այն ժամանակ, երբ մուկը մենակ է եղել, և դրա ակտիվությունը կտրուկ նվազել է, եթե վանդակում ցեղակից է հայտնվել: DRN-ի ակտիվությունը, ըստ կրծողների վարքի, նրանց ստիպում է մեծացնել իրենց սոցիալական ակտիվությունը և ավելի ակտիվորեն շփվել հարևանների հետ կամ փնտրել նրանց ընդհանուր վանդակ վերադառնալուց հետո:

Հարցեր, պատասխաններ, մեկնաբանություններ