Գիտնականները վնասվածքից հետո ուղեղի վիճակի մոնիտորինգի չիպ են ստեղծել. news.am

Վաշինգթոնի համալսարանի գիտնականները Ռորի Մերֆիի գլխավորությամբ փոքրիկ չիպ են մշակել, որը մտցվում է գլխամաշկի տակ եւ հնարավորություն տալիս հետեւել ջերմաստիճանի եւ ներգանգային ճնշման փոփոխություններին: Այս չիպը հնարավոր կլինի տեղադրել այն հիվանդների մաշկի տակ, ովքեր գանգուղեղային ծանր վնասվածք կամ ուղեղի վիրահատություն են տարել, եւ արդյունքում կկարողանան նրանց վիճակի մասին օգտակար տեղեկություններ ստանալ:

Եթե չիպն այլեւս պետք չլինի, այն հանելու կարիք չի լինի, որովհետեւ շատ արագ կհալվի եւ կանհետանա: Նման տեխնոլոգիան չիպի օգտագործումը դարձնում է հարմարավետ: Սենսորի հիմքում պոլիլակտիդ-կո-գլիկոլիդե թաղանթ է:

Հեղինակները նշում են, որ կենսաքայքայվող նյութերից համանման սենսորները կարող են օգտագործվել նաեւ այլ ցուցիչներ պարզելու համար` կախված այն խնդիրներից, որ իրենց առաջ դնում են հետազոտողները:

Առայժմ նոր սարքը, որն ընդամենը բրնձի հատիկի չափ ունի, փորձարկվել է միայն կենդանիների վրա: Հետազոտողներն առայժմ պատրաստ չեն նոր չիպը փորձարկել մարդկանց վրա, բայց չեն բացառում, որ նման փորձարկումներ կարող են իրականացվել ոչ հեռու ապագայում:

Հարցեր, պատասխաններ, մեկնաբանություններ