Ալցհայմերի հիվանդության զարգացման պատճառներից մեկն ուղեղի բորբոքումն է. news.am

Մինչեւ վերջերս համարվում էր, որ Ալցհայմերի հիվանդության պատճառը մարդու իմունային համակարգում է թաքնված, սակայն այժմ Սաութհեմփթոնի համալսարանից գիտնականների մի խումբ պարզել է, որ Ալցհայմերի հիվանդության պատճառ կարող է լինել նաեւ գլխուղեղում բորբոքային գործընթացը:

Ալցհայմերի հիվանդությունը զարգացող նեյրոդեգեներատիվ հիվանդություն է` ձեռքբերովի թուլամտության ձեւերից մեկը, որով ամբողջ աշխարհում ավելի քան 47 մլն մարդ է տառապում:

Դիեգո Գոմես-Նիկոլան ու իր գործընկերները վերլուծել են մարդկանց գլխուղեղի հյուսվածքների նմուշները, որոնց մոտ Ալցհեյմերի հիվանդություն էր ախտորոշվել եւ դրանք համեմատել են առողջ մարդկանց տվյալների հետ:  Պարզվել է, որ այդ հիվանդությամբ տառապող մարդկանց գլխուղեղում ավելանում է միկրոգլիայի բջիջների քանակը, որոնք մասնակցում են, օրինակ, բորբոքային գործընթացներում իմունային պատասխանի կարգավորմանը:

Հետազոտողներն ուսումնասիրել են նաեւ Ալցհայմերի հիվանդությամբ տառապող մկների ուղեղը. եթե հիվանդությունը զարգանում է, գլխուղեղում միկրոգլիայի քանակն ավելանում է: Հեղինակները պարզել են, որ կրծողների կողմից CSF1 սպիտակուցի աշխատանքն արգելափակող պաշարիչների օգտագործումը կանխարգելում է միկրոգլիալ բջիջների թվի ավելացումը: Այդ նույն պաշարիչներն օգնում էր պահպանել կապերը նեյրոնների միջեւ, որոնց կորուստը Ալցհայմերի հիվանդության բնութագրական գծերից է:

Հետազոտությունը ցույց է տվել, որ CFS1 պաշարիչ ստացած կենդանիների մոտ ուսուցման եւ հիշողության հետ կապված խնդիրները պակաս արտահայտված էին, քան այն կենդանիների, որոնց նման դեղ չէին տվել:  Հեղինակները նշում են, որ դեղը թույլ էր տալիս ազատվել սոսկ «միկրոգլիայի» ավելցուկից, բայց ոչ մի կերպ չէր ազդում գլխուղեղի հյուսվածքներում բետաամիլոիդի կուտակման վրա:

Այժմ հետազոտողները նախատեսել են մարդու համար անվտանգ  CFS1-ի պաշարիչ ստեղծել եւ նրա ազդեցությունը փորձարկել Ալցհայմերի հիվանդությամբ տառապող հիվանդների վրա:

Հարցեր, պատասխաններ, մեկնաբանություններ